Jæja, þá er starfsemi Hraunsins að taka af stað aftur eftir ljómandi gott sumarfrí.

Opnunarkvöld var hjá okkur í gærkvöldi, 1. september, þar sem við gæddum okkur á RISA köku og mjólk, kynntum starfsemi vetrarins og spjölluðum saman. Rosalega gaman að hitta alla aftur og að sjá ný andlit sem ætla að vera með okkur í vetur :)

Starfshópurinn verður svo ekki af verri endanum hjá okkur. Einhverjar breytingar hafa orðið síðan í vor en þau Jóka, Elva, Silja, Andrea og Tómas Þór halda áfram og við bætast snillingarnir Johnny, Herdís og Maggi :)

Við höfum fulla trú á að þetta verði stórkostlegur vetur, stútfullur af spennandi og skemmtilegri dagskrá!

Hlökkum til sjá ykkur sem flest hjá okkur í Hrauninu :D

Kæru foreldrar/forráðamenn                            

Nú er komið að lokaferð 10.bekkinga í Víðistaðaskóla. Félagsmiðstöðin Hraunið , foreldrafélag Víðistaðaskóla og Víðistaðaskóli standa fyrir ferð í Skagafjörð til að fagna útskrift unglinganna úr grunnskóla. Lagt verður af stað með með rútu frá Víðistaðaskóla

(við íþróttahúsið), mánudaginn 31.maí kl 9:00 og komið tilbaka miðvikudaginn 2.júní um kl.17:00. Farið verður í vettvangsferðir, sund, flúðasiglingu í Jökulsá, leirdúfuskot, klettasig og litboltakeppni. Ferðin kostar í heild sinni 25.000 kr. En vegna mikillar fjáröflunar þá á hver unglingur  að lágmarki 8500 í ferðasjóð. Þeir sem tóku þátt í öllum verkefnum eiga ca.12000 kr í sjóð. Það hefur verið haldið utan um skráningu vegna þátttöku unglingana í fjáröflunum í vetur t.d. kökusölu, Footloose helgin og aðstoð í matsal. Innifalið í verðinu er morgunmatur, kvöldmatur, gisting í tvær nætur, öll skemmtun og rútukostnaður. Endanlegt verð verður gefið út á mentor og í fyrramálið til unglingana. Það fara 7 fullorðnir leiðbeinendur í ferðina með hópinn, 3 frá Hrauninu og 4 kennarar. Hægt er að ná í fararstjóra í síma 6967649 Johnny og 7702447 Andri.

Afhenda skal leyfisbréf ásamt staðfestingargjaldi 5000 kr föstudaginn 28.maí í Hrauninu milli 9:00 – 11:00.  Það má greiða restina af upphæðinu á mánudaginn við brottför. Einnig er hægt að leggja inn á reikning 0545 – 26 – 6901 kt. 550208 – 0160 og senda kvittun á johanna.f@hafnarfjordur.is.

Hvað skal taka meðferðis:

Taka með sér góðan hlífðarfatnað, föt til skiptanna, handklæði, hlýja peysu, ullarsokka , lak, svefnpoka, kodda, sundföt og góða skó. Það sem má koma með á eigin ábyrgð eru tæki, hljóðfæri, aukapeningur og svo auðvitað nammi, snakk, gos og annað gómsætt. Óheimilt er að taka með sér orkudrykki í ferðina.

Dagskrá:

Mánudagur :

9:00 Lagt af stað frá Víðistaðaskóla og brunað með einu stoppi í Skagafjörð.

13:00 Komið á Sauðárkrók þar sem við komum okkur fyrir í heimavist fjölbrautaskólans.

14:00 Leirdúfuskot , sund og tsjill.

18:00 Kvöldverður og kvöldvaka

Þriðjudagur:

9:00 Morgunmatur

10:00 Vettvangsferðir, sund, kúr, litboltakeppni, klettasig og fleira skemmtilegt

16:00 Frjáls tími

19:00 Snæðum kvöldverð

21:00 Kvöldvaka

Miðvikudagur:

9:00 Morgunmatur

10:00 Frágangur

11:00 Flúðasigling

14:00 Lagt af stað heim

Félagsmiðstöðin Hraunið er staðsett í Víðistaðaskóla og þjónustar börn og unglinga í norður – og vesturbæ. Hraunið heldur úti skipulögðu tómstunda­­starfi fyrir börn í 5. – 10.bekk í hverfinu allan ársins hring. Í sumar verður  Hraunið með skipulagt starf fyrir börn og unglinga frá 6 ára – 16ára sem ber yfirskriftina Sumarhraunið 2010.

Fyrir börn á aldrinum 6 – 9 ára fædd 2001 – 2004 verður boðið upp á leikjanámskeið . Fyrir börn á aldrinum 10 – 13 ára fædd 1997 – 2000 verður boðið upp á  fjölbreytt sumarnámskeið. Námskeiðin verða aldursskipt annarsvegar 4 . – 5.bekkur saman og hins vegar 6. – 7.bekkur saman. Hraunið verður opið fyrir 7. – 10.bekk með svipuðum hætti og síðastliðið sumar. Markmiðið með starfsemi Sumarhraunsins  er að veita börnum og unglingum í hverfinu tækifæri til að vera saman og stunda skemmtilegar tómstundir undir leiðsögn reyndra tómstundaleiðbeinenda ÍTH. Áhersla verður lögð á að efla félagsfærni og sjálfstraust barnanna og veita leiðsögn og fræðslu í gegnum leik og skemmtun. Tekið er mið af þroska og þörfum barna á þessum aldri í skipulagningu starfsins. Starfið verður mótað eftir hugmyndum krakkana.

Starfið  verður staðsett í Víðistaðaskóla og í nágrenni við Víðistaðaskóla. Yfirumsjón með sumarstarfinu hefur Jóhanna M. Fleckenstein forstöðumaður Hraunsins.

Leikjanámskeið Hraunsins

Leikjanámskeiðið verður með svipuðu móti og undanfarin ár nema hvað varðar aldur þátttakenda. Í ár verður leikjanámskeiðið ætlað börnum fæddum 2001 – 2004 eða börn sem eru að byrja í 1.bekk haustið 2009 og 1. – 3.bekkur þetta skólaár. Yfirumsjón með leikjanámskeiðinu hafa Steinunn Kristín Friðriksdóttir og Ebenezer Þ. Einarsson.  Skráning á leikjanámskeiðið fer fram á íbúagátt Hafnarfjarðarbæjar.

Leikjanámskeiðið verður auglýst nánar síðar áður en skóla lýkur.

Fjörið  4. – 7.bekkur

Félagsmiðstöðin Hraunið stendur fyrir fjölmörgum sumarnámskeiðum ætluðum 10-13 ára krökkum (fædd 1997-2000). Námskeiðin bera eitt nafn, Fjöriðog er markmið þess að krakkarnir á þessum aldri geti tekið þátt í skemmtilegum og lærdómsríkum sumarnámskeiðum í júní og júlí. Námskeiðin verða aldursskipt , 4.-5.bekkur saman og 6.-7.bekkur saman. Skráning fer fram á íbúagáttinni og kostar 3500 kr fyrir sumarið. Föstudaginn 11.júní verður opnunarhátíð og þá geta börnin valið sér námskeiðin fyrir sumarið. Mánudaginn 14.júní hefjast fyrstu námskeiðin. Hvert námskeið er hálfan daginn í fjóra daga . Alla föstudaga verður föstudagsfjör þar sem margt skemmtilegt verður gert. Starfinu lýkur föstudaginn 23.júlí með lokahátíð. Starfsmenn Hraunsins koma fyrir skólalok og kynna starfið. Yfirumsjón með Fjörinu í Hrauninu hafa John F. Bond og Arna Guðlaugsdóttir.

Hraunið  7. – 10.bekkur

Starfið mun byggjast upp á hefðbundnu félagsmiðstöðvarstarfi , klúbbum og atburðum. Í félagsmiðstöðinni er t.d. billiardborð, föndurdót, borðtennisspil, fótboltaspil, spil og fleira.

Opið verður þriðjudags – og fimmtudagskvöld frá og með 8.júní. Endanlegur opnunartími verður auglýstur fyrir skólalok.

Það eru komnar inn myndir af Gaman Saman sem haldið var hjá okkur í Hrauninu nú í kvöld :)

Myndir frá miðdeildar skemmtuninni koma vonandi inn fljótlega :)

Takk fyrir frábæran dag og stórkostlegt kvöld :D